Probirbio 18:7 - Maung A Balita Biblia

⁷ No mansalita so makulang-kulang, dederalen toy sikaton dili, nanaerel ed patit na saray dilin salita to.

Maung a Balita Biblia

⁷ No mansalita so makulang-kulang, dederalen toy sikaton dili, nanaerel ed patit na saray dilin salita to.

Probirbio 18:7 Referans Kwoze

Probirbio 13:3

Alwaran moy panagsalitam, pian niagel moy bilay mo. Say toon anggapoy adyad panagsalita dederalen toy sikaton dili.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Probirbio 10:14

Saray totoon makabat gagawaen day anggaay nayarian da ya arumay pakaamta, balet no saray makulang-kulang so mansalita, asingsingger a golo lay niwala.

Saray Salmo 140:9

Ag mo pa panataloen iray kalaban ko; ipoktal mod sikaray panataktakot dad siak.

Saray Salmo 64:8

Deralen to ra, lapud saraman a salita; ompeyeng ya amin iray makanengneng ed sikara.

Probirbio 6:2

Narel ka na saray dilin salitam, apatitan ka na saray dilin sipan mo?

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Saray Huis 11:35

Kanengneng tod sikato, pinilat toy kawes tod ermen to tan kuanto, “O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.”

Probirbio 18:8

Masamsamit a singa kakanen so talabutob—labalabay tayon akmonen!

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Probirbio 14:3

Say panagpaatagey na toon makulang-kulang panlalabiren to na mapalalo; saray salita na makabat a too so mangyaagel ed sikato.

Probirbio 16:22

Say kakabatan sakey a sobul na bilay na saray makabat; balet darak na panaon labat so pangibangat ed saray totoon makulang-kulang.