Probirbio 18:5 - Maung A Balita Biblia

⁵ Aliwan maung a pilaan so toon walay kasalanan tan ekalan na katonungan so anggapoy kasalanan.

Maung a Balita Biblia

⁵ Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 18:5 Referans Kwoze

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Probirbio 28:21

Makapoy so panintinsia a walay kikilingan. Balet wala ray huis a manggaway makapoy lapud pangala ray anggan melmelag a pasoksok.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Saray Salmo 82:2

“Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

Probirbio 24:23

Sikara ya met so balikas na saray totoon makabat: Makapoy a say sakey a huis et walay kikilingan to.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Isaias 59:14

Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Exodo 23:6

“Ag yo pipikeweten so katonungan na mairap-bilay no onapireng ed korti.

Probirbio 17:26

Sumlang ed katonungan so panmulta na toon anggapoy kasalanan; napikewet so katonungan no nadusa ray maung a totoo.

Probirbio 31:5

No oninom ira nalingwanan da ray ganggan tan napaolyan da la ray kanepegan na saray walad pankaukolan.

Mikias 3:9

Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Exodo 23:3

Ag yo kikilingan so mairap-bilay no salaysayen ed korti.