Probirbio 18:21 - Maung A Balita Biblia

²¹ Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Maung a Balita Biblia

²¹ Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Probirbio 18:21 Referans Kwoze

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

Probirbio 10:31

Kakabatan so sasalitaen da ray totoon matonung, balet napatondan mansalita iray dilan maoges so sasalitaen da.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Probirbio 11:30

Bilay so iiter na katonungan, balet eekalen na inkaruksa.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

2 CORINTO 11:15

Kanyan ag makapakelaw a saray managlingkur to et mampapanengneng iran singa aripey katonungan. Nasintinsiaan irad kasamputan onung ed saray gagawaen da.

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

Probirbio 21:23

No labay mon naarawiay golo alwaran moy panagsalitam.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Oseas 10:13

Balet ag kayo inmonur, no ag ingen nantanem kayo na kaogsan tan inani yoy bunga ton maoges. Inakan yo ray bunga na saray tila yo. “Lapud nanmatalek kayod saray karwahi yo tan saray amayamay a sondalo yo,

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”