Probirbio 17:22 - Maung A Balita Biblia

²² Say gayaga pansiasiansiaen toy abig na laman mo. Say ermen mankalkalnan mansumpal ed patey.

Maung a Balita Biblia

²² Say gayaga pansiasiansiaen toy abig na laman mo. Say ermen mankalkalnan mansumpal ed patey.

Probirbio 17:22 Referans Kwoze

Probirbio 15:13

No maliket iray totoo onimis ira, balet no maermen ira ombilonget so lupa ra.

Probirbio 12:25

Say kapagaan napaandi toy liket mo, balet saray marakep a salita paliketen da ka.

Probirbio 18:14

Say biskeg na linawam a mambilay sikatoy mamabiskeg ed sika no mansasakit ka; balet no naandi yad sika anggapo lay ilalom.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.

2 CORINTO 2:7

Pirdona yo la laingen tan ligliwa yo, ta ag la pigan ompalaloy ermen to, et naekal so intiron ilalo to.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Probirbio 16:24

Saray marakep a salita et singa ra dilo—masamit tan maabig ed laman mo.

Ecclesiastes 2:2

Asokayan ko a say elek et inkakulang-kulang, tan say liket et anggapoy iiter ton kaabigan.