Probirbio 16:24 - Maung A Balita Biblia

²⁴ Saray marakep a salita et singa ra dilo—masamit tan maabig ed laman mo.

Maung a Balita Biblia

²⁴ Saray marakep a salita et singa ra dilomasamit tan maabig ed laman mo.

Probirbio 16:24 Referans Kwoze

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Probirbio 4:22

Itdan da na bilay tan abig-laman so siopaman a makatatalus ed sikara.

Probirbio 3:8

No onyay gawaen mo, tambalen to ray sugat mo tan paninawaen to kad liliknaen mo.

Probirbio 23:16

Manggayaga ak no narengel ta kan mangibabalikas na saray salitan napno na kakabatan.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Saray Salmo 119:103

Diad pakataway ko masamsamit iray bilibilin mo; masamsamit ira nen say dilo!

Saray Salmo 19:10

Pampilpilalekan nen say sankaabigan a balituk; masamsamit nen say sankapuroan a dilo.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Probirbio 15:23

Agaylay gayaga na pakalmo na dugan salita para dugan okasyon!

Kanta nen Solomon 4:11

Walad bibil mo so taway na dilo, O inarok; gatas tan dilo a para siak so dilam. Walad kawes mo so amin a balingit na Libano.

Probirbio 17:22

Say gayaga pansiasiansiaen toy abig na laman mo. Say ermen mankalkalnan mansumpal ed patey.

Ecclesiastes 12:10

Sinali nen Managpulong ya inanap iray makaligliwan salita, balet katwaan iray insulat to.

Puyan 10:10

Inalak imay melag a babasaen, insan ko kinan. Singa samit na dilo ed dilak, balet nen naakmun ko la, pinmait ed eges ko.