Probirbio 16:19 - Maung A Balita Biblia

¹⁹ Magmaung niy toon mapaabeba tan mairap-bilay nen say sakey ed saray mapaatagey tan miaapag ed saray asamsam da.

Maung a Balita Biblia

¹⁹ Magmaung niy toon mapaabeba tan mairap-bilay nen say sakey ed saray mapaatagey tan miaapag ed saray asamsam da.

Probirbio 16:19 Referans Kwoze

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Saray Salmo 34:18

Say Katawan maasinger ed saray nanaekalay biskeg na linawa; ilalaban to ray sigput a naandiay ilalo.

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 9:3

Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Saray Huis 5:30

“Naabala ra labat a manaanap na nasamsam da a panaapagan da, sakey o duaran bibii so para sakey a sondalo, marakep ya abel so para si Sisara, abordaan ya abel so para kolibemben na riyna.”

Probirbio 1:13

Makarumog tayoy mabmabli ran bengatla, tan panoen tayo ray kaabugan tayo na saray asamsam!

Probirbio 1:14

Gala, mila kad sikami, ta panaapagan tin amin iray natakew tayo.”

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Probirbio 25:7

Magmaung nin nakerew ed sika ya onatagey kad kipapasen mo nen say nibagad sika ya iter moy kipapasen mo ed sakey a toon matalona nen sika.