Probirbio 16:18 - Maung A Balita Biblia

¹⁸ Say panagpaatagey mansusumpal ed kaderal, tan say panaglastug, diad katumba.

Maung a Balita Biblia

¹⁸ Say panagpaatagey mansusumpal ed kaderal, tan say panaglastug, diad katumba.

Probirbio 16:18 Referans Kwoze

Probirbio 11:2

Ag mabayag napelag ed kababaingan iray totoon mapaatagey. Makabat so toon mapaabeba.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

1 Timoteo 3:6

Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

Probirbio 17:19

Say panlabay ed kasalanan et panlabay ed golo. No malastug ka lawas, goloy aanapen mo.

Ester 6:6

Linmoob sirin si Haman, et inkuan na ari ed sikato, “Walay toon labay kon pagalangan. Antoy nepeg a gawaen kon para sayan too?” Ninunot nen Haman ed sikaton dili, “Siopa niy toon labay na ari a pagalangan no ag say siak?”

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Daniel 5:22

“Balet sika ya anak to, ag ka nampaabeba, anggaman ya amtam so amin ya agawa.

Isaias 37:38

Aminsan ya agew, nen mangigagalang si Senakerib ed dalem na timplo na dios ton Nisroc, pinatey na duara ed saray anak ton lalaki a di Adramelec tan Sarezer, diad panamegley na ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

Ester 3:5

Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.

Daniel 5:24

Sikara yay makasengeg no akin et imbaki na Dios imay lima ya angisulat na sarayan salita.

Mateo 26:74

Balet nansamba lamet si Pedro a kuanto, “Nitay Dios, anggan dusaen to ak no mantitila ak. Talagan ag ko kabat itan a too!” Diad saman a bekta, kinmukaok so sakey a lalung.

1 Samuel 17:42

et nen anengneng to lan maung si David, binalaw to, ta sakey labat a balolakin maung so alagey to tan guapo.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Ezekiel 29:9

Magmaliw ya andi-kakanaan tan begtebegtew so Egipto. Naamtaan mod satan a siak so Katawan. “Lapud imbagam a kayaryan moy Nilo tan sikay nanggawad sayan ilog,

Saray Huis 11:28

Balet ag dinengel na samay ari na Ammon imay impaibaga nen Jefte.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.

Lucas 14:9

Onlad satay angimbitad sikayon dua tan ikuantod sika, ‘Nayarin iter mo tay pasen mod sikato?’ Nabaingan kad satan tan napasootan kan onyorung ed sankaabebaan a pasen.