Probirbio 15:7 - Maung A Balita Biblia

⁷ Say pakaamta ikakayat na saray totoon makabat, aliwan saray makulang-kulang.

Maung a Balita Biblia

⁷ Say pakaamta ikakayat na saray totoon makabat, aliwan saray makulang-kulang.

Probirbio 15:7 Referans Kwoze

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Kanta nen Solomon 4:11

Walad bibil mo so taway na dilo, O inarok; gatas tan dilo a para siak so dilam. Walad kawes mo so amin a balingit na Libano.

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 15:6

Saray totoon matonung isisinup da ray kayamanan da, balet saray totoon maoges nababalang da ra no panaon na kairapan.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 5:2

Diad ontan naamtaan moy maabig a kagagawa, tan ipanengneng na panagsalitam a walay pakatalus mo.

Probirbio 16:23

Saray totoon makabat mannununot ira kasakbayan a mansalita ra; say ibaga rad satan et lalon makaayat.

Ecclesiastes 10:2

Inkanatural na makabat a too so manggaway katonungan, tan inkanatural na makulang-kulang a too so manggaway kaogsan.