Probirbio 15:24 - Maung A Balita Biblia

²⁴ Saray totoon makabat mankukurang irad dalan a mamaarap ed bilay diad tagey, aliwan diad dalan a mamaarap ed pasen a panaayaman da ray inaatey diad leksab.

Maung a Balita Biblia

²⁴ Saray totoon makabat mankukurang irad dalan a mamaarap ed bilay diad tagey, aliwan diad dalan a mamaarap ed pasen a panaayaman da ray inaatey diad leksab.

Probirbio 15:24 Referans Kwoze

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

FILIPOS 3:20

Sikatayo balet, say tawen so tuan bansa tayo tan dimay panlapway Katawan a Jesu-Cristo, say Manangilaban tayo a pampilpilalekan tayon alagden.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Mateo 7:14

Balet mainget so puirta tan mairap so dalan a mamaarap ed bilay, tan dagdaiset iray makakalmod sayan dalan.”

Jeremias 21:8

Insan imbaga na Katawan ed siak ya ikuankod saray totoo, “Dengel kayo! Siak, say Katawan, itdan ta kayoy pankanawnawan mampili ed dalan a mamaarap ed bilay odino dalan a mamaarap ed patey.

Probirbio 23:14

Diad tuay tua nilaban na lewet so bilay to.

Probirbio 7:27

No onla kad abung to mamapaarap ka ed pasen a panaayaman da ray inaatey. Sikato yay antikey a dalan a mamaarap ed patey.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Probirbio 5:5

Iyakar to kad pasen a panaayaman da ray inaatey, ta mamapaarap ed patey so pankukurangan to.

Probirbio 2:18

No onla kad abung to, patey so arapen mo. Manasingger kad sangab na lobuk no onla kad man.

Probirbio 9:8

Ag mo pepeteken so toon mapaatagey, ta bosulen to ka. Balet no peteken moy toon makabat, pagalangan to ka.

Saray Salmo 139:24

Nengneng mo pa no walay antokaman a kaogsan ed siak tan iwanwan mo ak pad andi-anggaan a dalan.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.