Probirbio 14:19 - Maung A Balita Biblia

¹⁹ Saray totoon maoges nakaukolan ya onsuko ra ed saray totoon matonung, tan mampaabeba ran onkerew na tulong ed sikara.

Maung a Balita Biblia

¹⁹ Saray totoon maoges nakaukolan ya onsuko ra ed saray totoon matonung, tan mampaabeba ran onkerew na tulong ed sikara.

Probirbio 14:19 Referans Kwoze

Malakias 4:3

Diad agew a siak so onggalaw, natalo yo ray maoges, tan magmaliw iran singa dabuk ed silong na saray sali yo.

Genesis 42:6

Si Jose, lapud sikatoy gobirnador na Egipto, so manlalako na ilik ed saray totood intiron mundo. Sinmabi ra may agagi to, tan dinmakmomo rad sikato ya anggad dalin so lupa ra.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Exodo 8:8

Say ari impaawit to ra di Moises tan Aaron tan kuanto, “Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.”

Probirbio 11:29

Say toon mangiiter na gunigon ed dilin pamilya to et anggapoy naala to diad kaonuran. Say makulang-kulang a too aripen lawas na makabat a too.

Saray Salmo 49:14

nigetar iran ompatey a singa saray karniro, tan say Patey so magmaliw a pumapastol da. Taloen ira na saray totoon matonung leleg a naboboluk iray laman da ed panaayaman da ray inaatey ya arawi ed kaabungan da.

2 Saray Arari 3:12

“Tua man a propita,” inkuanen Josafat. Kanyan linma ra may taloran arari.

1 Samuel 2:36

Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.’”

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Genesis 43:28

Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Probirbio 14:18

Saray totoon anggapoy amta nagagamuran day kanepegay inkakulang-kulang da, balet say pakaamta so tumang da ray masilib.