Probirbio 13:8 - Maung A Balita Biblia

⁸ Say toon mayaman nakaukolan ya ikana toy kuarta to a pangyagel tod bilay to, balet say toon mairap-bilay anggapoy manataktakot ed sikato.

Maung a Balita Biblia

⁸ Say toon mayaman nakaukolan ya ikana toy kuarta to a pangyagel tod bilay to, balet say toon mairap-bilay anggapoy manataktakot ed sikato.

Probirbio 13:8 Referans Kwoze

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Jeremias 41:8

Balet walay samplora ed samay grupo ya akikasid kinen Ismael, “Ag mo kami kari papateyen! Walay trigo, sibada, larak na oliba, tan dilo mi a niamut ed kaalogan.” Kanyan kinawanan toy bilay da tan ag to ra impipatey ed saramay kakaiba ra.

Jeremias 39:10

Intilak tod dalin na Juda iray sankamairapay bilay a totoo ya anggapoy kayaryan dan balut, insan to ra initdan na saray kaubasan tan kaalogan.

Probirbio 6:35

Ag to mangawat na antokaman a bayar; anggapoy rigalon makapabetel na pasnuk to.

2 Saray Arari 25:12

Balet intilak tod Juda so pigaran totoon sankamairapay bilay tan anggapoy kayaryan, insan impankimey to rad kaubasan tan diad kaalogan.

2 Saray Arari 24:14

Inawit ton priso iray totoo ed Jerusalem, amin da ray opisyal na ari, tan amin a manonan totoo; samplon libo ran amin. Intaruk to met ya amin iray maung a kumikimey, pati saray pumapanday; intilak to labat ed Juda iray totoon sankamairapan ed bilay.

Exodo 21:30

Balet no naabuloyan a mambayar so akanayep pian ag pateyen, nepeg to ya iter so intiron bayar.

Probirbio 13:7

Wala ray totoon mankonkonwarin mayaman, anta anggapo ra. Saray arum mankonkonwarin mairap-bilay ira, anta mayamyaman ira.

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Probirbio 14:24

Kayamanan so tumang na saray makabat a totoo, balet nanaamtaan iray makulang-kulang, lapud inkakulang-kulang da.

Lucas 12:23

Mamabli niy bilay nen say kakanen; mamabli niy laman nen say kawes.