Probirbio 13:11 - Maung A Balita Biblia

¹¹ Mainomay a nabalang so kayamanan ya ag nansagputan, balet naaruman lan naaruman no nansagputan.

Maung a Balita Biblia

¹¹ Mainomay a nabalang so kayamanan ya ag nansagputan, balet naaruman lan naaruman no nansagputan.

Probirbio 13:11 Referans Kwoze

Probirbio 20:21

No mainomay mo ya apasegep so kayamanan mo, daiset so iter tod sikan kamaungan.

Probirbio 10:2

Anggapoy kaabigan ya iter ed sika na kayaryan a nalad saolan, balet say katonungan nipaliis to kad patey.

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Probirbio 28:22

Saray totoon masiblet maganat ira ya onyaman, kanyan ag da amta no ngalngali la onirap so bilay da.

Probirbio 28:20

Saray totoon maptek mambilay ira a nagnap so liket da. No maganat kan onyaman nadusa ka.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Saray Salmo 128:2

Pambilay moy bunga na nanlingetan mo; manliket tan onaligwas ka.

Say Libro nen Job 20:15

Say maoges a too iyoota toy kayamanan a tinatakew to; babawien na Dios ya alaen anggan walad dalem na eges to.

Ecclesiastes 5:14

Balet lapud makapoy a kipaakaran nabalang day amin a kayamanan da; kanyan anggapoy anto a nipatawir da ed saray anak da.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Probirbio 13:12

Say ilalon mabayag ya aalagden pakakapoyen toy liknaan, balet say pilalek ya agamuran pagagayagaen to ka.

Probirbio 21:6

Say kayamanan a nanaalam ed saol et kabebekta naandipat, balet aliwan kasakbayan na pangiwanwan tod sika ed sangabay lobuk.