Probirbio 13:10 - Maung A Balita Biblia

¹⁰ Say panagpaatagey panlalapwan na gunigon. Magmaung niy onkerew na simbawa.

Maung a Balita Biblia

¹⁰ Say panagpaatagey panlalapwan na gunigon. Magmaung niy onkerew na simbawa.

Probirbio 13:10 Referans Kwoze

Probirbio 19:20

No ondengel kad saray simbawa tan maabuloy kan manaral, magmaliw kan makabat.

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

Santiago 4:1

Antoy panlalapway panlalaban tan pankokolkol yo? Ag kasi saray pilalek yon maoges a mansusumpaan ed balang sakey ed sikayo?

1 Timoteo 6:4

mapaatagey tan anggapoy amta to. Sakit to lay misangsangan tan mikolkol nipaakar ed saray salita, tan sikato yay sengegan labat na imonan, kolkolan, insultowan, maoges a palsaan,

Lucas 22:24

Nansasangsangan met iray disipulo no siopad sikaray nabirbir a manona.

Probirbio 25:8

Ag ka bengat-bengat a mangisesegep ed korti na kason nipaakar ed anengneng mo. Ta antoy gawaen mo no walay arum a tasin mamaneknek a nalilingo ka?

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Probirbio 20:18

Dengel kad maung a simbawa, et mampalabo ka; no mibakal ka iplanom nin onona.

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

1 Saray Arari 12:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

Saray Huis 19:30

Amin a totoon akanengneng ed saman inkuanda, “Ag kami ni akanengneng na onyan agawa! Ag ni yan balut agawa nanlapu lad intaynan da ray Israelita diad Egipto! Nakaukolan a nudnunoten tan tongtongen tayoy nepeg tin gawaen nipaakar ed saya!”

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Probirbio 13:11

Mainomay a nabalang so kayamanan ya ag nansagputan, balet naaruman lan naaruman no nansagputan.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.