Probirbio 12:24 - Maung A Balita Biblia

²⁴ Say toon makoli nawalaan na pakayari; say toon mangiras magmaliw ya aripen.

Maung a Balita Biblia

²⁴ Say toon makoli nawalaan na pakayari; say toon mangiras magmaliw ya aripen.

Probirbio 12:24 Referans Kwoze

Probirbio 12:27

Say mangiras a too ag to nagamuray gegemtan to, balet say toon makoli makagamur na kayamanan iran ankabli.

Probirbio 10:4

Say ngiras pagmaliwen to kan mairap, balet say koli pagmaliwen to kan mayaman.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Probirbio 13:4

Say toon mangiras ag to nagamuray pampipilalekan to, balet say makoli nagamuran toy amin a labay to.

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Probirbio 22:13

Say toon mangiras manaayam ed abung; ibabaraan to ya ompan pateyen na lion no ompaway.

Probirbio 19:15

Sigi labat, manggiras ka; ogip ka labat, balet naerasan ka.

1 Saray Arari 11:28

Wala nid kalangweran si Jeroboam tan walay ibabaga ton too. Nen naimano nen Solomon so inkakoli to, ginawa ton makaoley ed amin da ray pinasoot a mankimey diad lugar da ray tribu di Manases tan Efraim.

Genesis 49:15

Balet nanenengneng ton maung a pasen so pampapainawaan to Tan makaroyroyo so dalin. Ipaparaan toy takeb ton manakbat Tan sikatoy napapasoot a mankimey a sakey ya aripen.

1 Saray Arari 12:20

Nen nadngelan na saray totood Israel a pinmawil lay Jeroboam a nanlapud Egipto, binagaan dan mitongtong ed saray totoo, insan da ginawan ari na Israel. Saray kabyangan labat na tribu nen Juda so nansiansian matoor ed saray kabyangay boleg nen David.

Saray Huis 1:28

Nen binmiskeg iray Israelita, pinasoot dan nankimey para sikara iray Cananeo, balet ag da ni ran siansia pinataynan.