Probirbio 12:20 - Maung A Balita Biblia

²⁰ Panamalikdo so walad kanunotan da ray manggegetman manggaway kaogsan, balet liket so nagamuran da ray manggagaway kamaungan.

Maung a Balita Biblia

²⁰ Panamalikdo so walad kanunotan da ray manggegetman manggaway kaogsan, balet liket so nagamuran da ray manggagaway kamaungan.

Probirbio 12:20 Referans Kwoze

Mateo 5:9

“Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Probirbio 12:12

Say pilalek na saray totoon maoges et say panggaway kaogsan ed katoowan, balet malet so inkiletneg da ray totoon matonung.

Saray Taga Roma 1:29

Napno ra na amin a kaogsan, kaambagelan, kinaagom tan maibobosul a kaisipan; napno ray imon tan maoges iran getma; maliket irad panagpatey, panagkolkol, tan panagsaol. Managtalabotob ira,

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

2 Saray Awaran 22:4

Nankasalanan ed Katawan, lapud kapatey nen ama to sinmalat a sumisimbawa to iray arum a kabyangay pamilya nen Ari Acab, et sikaray makasengeg na inkaderal to.

Probirbio 12:19

Antikey so bilay na tila, balet mansiansiad anggad angga so katwaan.

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Saray Salmo 119:118

Ipopolisay moy balang toon mangoonur na ganggan mo; andi-kakanaan iray kasiliban da.

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.