Probirbio 12:15 - Maung A Balita Biblia

¹⁵ Saray totoon makulang-kulang abaloan dan maptek lawas so gagawaen da. Saray makabat a totoo onderengel irad simbawa.

Maung a Balita Biblia

¹⁵ Saray totoon makulang-kulang abaloan dan maptek lawas so gagawaen da. Saray makabat a totoo onderengel irad simbawa.

Probirbio 12:15 Referans Kwoze

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

Probirbio 19:20

No ondengel kad saray simbawa tan maabuloy kan manaral, magmaliw kan makabat.

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Probirbio 14:12

Say dalan ya abaloan mon duga et nayarin mamaarap ed patey.

Probirbio 1:5

Sarayan probirbio nayarian da ya anggan aruman so pakatalus da ray makabat lan totoo, tan nayarian dan iwanwan iray walay aral,

Probirbio 26:12

Say toon makulang-kulang et magmaung niy kipapasen to nen say toon ipapasen toy sikaton dili a makabat anta andi.

Probirbio 16:25

Say dalan ya abaloan mon duga et nayarin mamaarap ed patey.

Probirbio 16:2

Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

TAGA GALACIA 6:3

No walay mangipasen na sikaton dili a sakesakey anta andi, titilaan toy sikaton dili.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Lucas 18:11

Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Probirbio 28:11

Saray totoon mayaman ipapasen day sikaran dili a makabat, balet dakel niy amta na toon mairap-bilay a walay pakatalus.

Ecclesiastes 4:13

Say sakey a toon mairap-bilay et nayarin magmaliw ya ari na dilin bansa to, odino say sakey a priso et magmaliw ya ari, balet no diad itakken to et ag to ondengel ed simbawa lapud inkakulang-kulang to, maung ni nen sikato so sakey a mairap-bilay a tobun-balo a walay kakabatan to.

Probirbio 26:16

Say toon mangiras ipasen to a masilib ni nen saray pitoran lalaki a napaneknekan da so ibabaga ra.

Probirbio 13:1

Say anak a makabat dedengelen toy bilin na ama to, balet say toon mapaatagey ag ton balut birbiren a sikatoy nalilingo.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.