Probirbio 11:9 - Maung A Balita Biblia

⁹ Nayarin deralen ka na saray totoon anggapoy Dios, balet nayarin ilaban ka na kakabatan na saray totoon matonung.

Maung a Balita Biblia

⁹ Nayarin deralen ka na saray totoon anggapoy Dios, balet nayarin ilaban ka na kakabatan na saray totoon matonung.

Probirbio 11:9 Referans Kwoze

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

1 Juan 2:21

Susulaten ta kayo, aliwan lapud ag yo amtay katwaan, no ag ingen lapud amta yoy katwaan. Kabat yo met ya anggapoy tila a manlapud katwaan.

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Saray Salmo 55:12

No sakey a kabosul komuy manmumurmurad siak, nitepel ko; no sakey a kalaban komuy manleleglemew ed siak, sarasarag kon iyamutan.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Say Libro nen Job 34:30

Anggapoy nagawaan na anggan dinanman a bansa a pakapaliis tod panoley na saray maruksa.

Say Libro nen Job 8:13

Onyay kapara da ray totoon anggapoy Dios da; naandi so ilalo ra no Dios so nilingwanan da.

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Probirbio 11:6

Say inkatonung iyaagel toy toon maptek so panagbilay to, balet say toon ag napampiaan nanaerel na dilin inkaagom to.

Probirbio 11:8

Niaarawid gunigon iray totoon matonung; ingen saray totoon maoges lalaen to.

Probirbio 16:29

Saray totoon maruksa papalikdoen da ray kakaaro ra tan iwawanwan da rad deral.