Probirbio 11:24 - Maung A Balita Biblia

²⁴ Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Maung a Balita Biblia

²⁴ Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Probirbio 11:24 Referans Kwoze

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Lucas 6:38

Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.”

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Ecclesiastes 11:6

Mantanem kad kabwasan tan labi, ta ag mo amta no ontubon amin kasi so itanem mo, odino say sakey et mabona nen say sananey.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Probirbio 11:23

Say pilalek na saray totoon matonung mansumpal lawas ed kamaungan; no naala na saray totoon maoges so pilalek da, ampetang so olo na amin a totoo.

Probirbio 11:25

Onaligwas so toon mabonluk a mangiter. Say toon matulong makaawat na tulong.

Probirbio 13:7

Wala ray totoon mankonkonwarin mayaman, anta anggapo ra. Saray arum mankonkonwarin mairap-bilay ira, anta mayamyaman ira.

Probirbio 28:27

Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

2 Saray Awaran 31:10

Si Azarias a Pangulon Pari tan kabyangay boleg nen Sadoc kuantod kinen Ezekias, “Nanlapu lad samay panaon a saray totoo et inyaakar dad Timplo iray rigalo ra, duga so kakanen; dakerakel ni ingen so soluk mi. Binindisionan na Katawan iray totoo to kanyan wala ra yan amin ed sikami.”

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.