Probirbio 11:19 - Maung A Balita Biblia

¹⁹ Mambilay so toon pilalek to lawas so manggaway katonungan, balet ompatey so toon ipasoot toy manggaway kaogsan.

Maung a Balita Biblia

¹⁹ Mambilay so toon pilalek to lawas so manggaway katonungan, balet ompatey so toon ipasoot toy manggaway kaogsan.

Probirbio 11:19 Referans Kwoze

Probirbio 10:16

Bilay so tumang na panggaway katonungan, balet kasalanan so bungay panggaway kasalanan.

Probirbio 19:23

Pagalangan moy Katawan, et nawalaan kay andokey a bilay, apenek, tan arawid kaatapan.

Probirbio 12:28

Say katonungan so dalan a mamaarap ed bilay; say kaogsan so dalan a mamaarap ed patey.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 3:7

Anak, ag kayo papaibalang ed siopaman! Siopamay manggaway katonungan sikatoy matonung, a singa si Cristo et matonung

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Santiago 1:15

No manlokun so maoges a pilalek na laman, mananak na kasalanan. Tan no ombaleg so kasalanan, mambungay patey.

Probirbio 21:16

Siopamay ag to ikakanay olo to manaalagar ed sikato so patey.

Deuteronomio 16:20

Lawas a maptek tan matonung kayo komun, pian napanayaman yoy dalin ya iiter ed sikayo na Katawan a Dios yo tan makapansiansia kayon manayam diman.

2 Saray Arari 1:4

Ibaga yod ari ya onya so ibabagay Katawan, ‘Ag ka la onabig ed inkasakitan mo; ompatey ka la!’” Sinumpal nen Elias so ingganggan na Katawan,

2 Saray Arari 1:16

Inkuantod ari, “Onya so ibabagay Katawan: ‘Lapud angibaki ka na saray mangipanon ed Baalzebub a dios na Ekron—a singa anggapo lay Dios na Israel a pangipanonan—ag ka la onabig; ompatey ka la!’”

Probirbio 21:21

Mambilay kan mapangasi tan maptek, et andokey so bilay mo; pagalangan ka na arum a totoo tan ag da ka saolen.