Probirbio 11:11 - Maung A Balita Biblia

¹¹ Magmaliw a matalonggaring so siudad no saray totoon matonung et bibindisionan da; balet naderal so siudad lapud panaglabir da ray totoon maoges.

Maung a Balita Biblia

¹¹ Magmaliw a matalonggaring so siudad no saray totoon matonung et bibindisionan da; balet naderal so siudad lapud panaglabir da ray totoon maoges.

Probirbio 11:11 Referans Kwoze

Probirbio 14:34

Say inkatonung pagmamaliwen ton matalonggaring so sakey a bansa; say kasalanan ipepelag tod kababaingan so anggan dinan a bansa.

Probirbio 29:8

Saray totoon abebbebay panangipasen dad arum a totoo et nayarian dan gewgewen so intiron siudad. Saray totoon makabat papareenen day baley.

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

Ecclesiastes 9:15

Walad man ed baley so sakey a toon mairap-bilay a makabat tan nayarian to komun ya iyagel imay baley. Balet anggapoy akanunot ed sikato.

Say Libro nen Job 22:30

Iyagel to ka no anggapoy kasalanan mo, no say kaptekan so gawaen mo.”

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

Genesis 45:8

Kanyan aliwan sikayo so angibakid siak dia, no ag ta say Dios. Ginawa to ak a sankatageyan ya opisyal na ari. Siak to inkargado ed intiron bansa to; siak so manoley ed intiron Egipto.

Probirbio 11:10

Maliket so siudad no saray totoon matonung et maaligwas ira, tan no ompatey iray totoon maoges wala ray eyag na liket.

Probirbio 11:12

Makulang-kulang so toon mambabalaw ed kapara ton too. No makabat ka mandeen ka.

Probirbio 28:2

No makasalanan iray totood bansa, mansasalat iray pangulo to. Balet mansiansian mabiskeg so sakey a bansa no wala ray maotek tan ikakana ray olo ran pangulo to.