Probirbio 10:7 - Maung A Balita Biblia

⁷ Nanunotan a sakey a bindision so toon matonung, balet nalingwanan a tampol so toon maoges.

Maung a Balita Biblia

⁷ Nanunotan a sakey a bindision so toon matonung, balet nalingwanan a tampol so toon maoges.

Probirbio 10:7 Referans Kwoze

Saray Salmo 112:6

Say maung a too mansiansian maung so kipapasen to; lawas nanunotan.

Lucas 1:48

ta anunotan to ak a magter ya aripen to! Manlapud natan, tawagen ak a maliket na amin da ray katoowan,

Marcos 14:9

Natan, tandaan yo ya! Inerman ed sankamundoan so pangipulongay Maung a Balita, nasalitay ginawa to yan bii a pakanudnunotan ed sikato.”

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

2 Saray Awaran 24:16

Impompon da ed saray pantion da ray arari diad Siudad nen David, lapud impamirbir da ed impanlilingkur tod saray totood Israel, diad Dios, tan diad Timplo.

Saray Salmo 109:15

Say Katawan nanunotan ton naynay komun iray kasalanan da, balet sikaran dili et sigput komun a nalingwanan ira diad tapew na dalin.

Say Libro nen Job 18:17

Angangga la so inkabantug to ed dilin bansa to tan diad arum a bansa; anggapo lay makanunot ed sikato.

2 Saray Arari 19:34

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

Ecclesiastes 8:10

On, akanengneng ak na saray totoon maoges a nipompon tan wala rad saray lobuk da, balet diad kapapawil, manlapud kamposanto, idadayew ira na saray totoo ed dilin siudad a nanggagawaan day kaogsan. Sakey yan andi-kakanaan!

Say Libro nen Job 27:23

Mambanesbes ya ombasig so dagem ed sikato legan ya ombabatik, tan patakoten to lapud pakayari ton manderal.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

2 Saray Awaran 32:33

Inatey si Ezekias tan nipompon ed niatagey a parti na kamposanto da ray arari. Pinagalangan na amin da ray totood Juda tan Jerusalem si Ezekias diad impatey to. Si Manases a lakin anak to so sinmalat ed sikaton nanari.

Say Libro nen Job 24:20

Anggapo lay makanunot ed sikato, anggan say dilin ina to; oputen na bigis so laman to tan sigput a naderal a singa atumban kiew.

Saray Salmo 34:16

balet sumpad saray managgaway kaogsan, kanyan no ompatey ira, sigput la ran nalingwanan.

Probirbio 22:1

No sikay pampilien ed malinis a kagalangan tan say baleg a kayamanan, pilim so malinis a kagalangan.

Isaias 14:22

Say Katawan a Makapanyarin-amin kuanto, “Dogpaan koy Babilonia tan deralen ko. Anggapoy ikerak ya ogaw odino siopaman a mabilay. Siak, say Katawan, so nansalita.

Saray Salmo 34:17

Saray matonung ontatawag irad Katawan, et dedengelen to ra; iyaagel to rad amin a gunigon da.

Saray Salmo 41:5

Saray kalaban ko makapaingungot iray sasalitaen da nipaakar ed siak. Labay da ak lan ompatey tan nalingwanan.