Probirbio 10:30 - Maung A Balita Biblia

³⁰ Arawi lawas ed kaatapan iray totoon matonung, balet ag makapansiansian manayam ed dalin iray totoon maoges.

Maung a Balita Biblia

³⁰ Arawi lawas ed kaatapan iray totoon matonung, balet ag makapansiansian manayam ed dalin iray totoon maoges.

Probirbio 10:30 Referans Kwoze

Saray Salmo 37:22

Ta saray binindisionay Katawan et nakayaryan day dalin, balet napagit iray insamba to.

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

Probirbio 10:25

Naandipat iray totoon maoges no ondalan so bagyo, balet lawas arawid kaatapan iray totoon matonung.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”

Saray Salmo 112:6

Say maung a too mansiansian maung so kipapasen to; lawas nanunotan.

Saray Salmo 52:5

Kanyan say Dios deralen to ka ya anggad angga; singkaten to ka tan ipaway to kad panaayaman mo; ekalen to kad dalin da ray mabilay.

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.