Probirbio 10:3 - Maung A Balita Biblia

³ Ag iyabuloy na Katawan a naerasan iray totoon matonung, balet ag to iyabuloy a saray totoon maoges et naala ra so labay da.

Maung a Balita Biblia

³ Ag iyabuloy na Katawan a naerasan iray totoon matonung, balet ag to iyabuloy a saray totoon maoges et naala ra so labay da.

Probirbio 10:3 Referans Kwoze

Saray Salmo 37:25

Aliwa ak lan ogaw; masiken ak la, balet ag ko ni akanengneng na toon matonung ya inkainday Katawan, odino mipapayabol na nakan iray anak to.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Saray Salmo 37:19

Ag ira manirap no makapoy so panaon; ag ira naandiay nakan no panaoy eras.

Saray Salmo 33:19

Ilalaban to rad patey, pambibilayen to ra no panaoy eras.

Say Libro nen Job 5:20

no panaoy eras pansiansiaen to kan mabilay, tan no panaoy bakal ipaliis to kad patey.

Lucas 12:31

Sikayo, balet, anap yon onona so Panarian na Dios, et iter tod sikayoy amin a nakaukolan yo.”

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Saray Salmo 112:10

Nanengneng ya na saray totoon maoges et makapasnuk; manngilet ira tan naandipat la ra; nakal lan anggad angga so ilalo ra.

Say Libro nen Job 20:28

Amin a kayamanan to naderal ira no onsabiy agew na pasnuk na Dios.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Probirbio 13:25

Malaem so kakanen na saray totoon matonung, balet kulang lawas so kakanen da ray totoon maoges.

Probirbio 28:9

No ag mo oonuren so ganggan, kabosul na Dios a dengelen so pikakasim.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.

Say Libro nen Job 15:23

tan manaalagar iray buitrin mangan na bangkay to. Amta to ya ambilonget so arapen to;