Probirbio 10:27 - Maung A Balita Biblia

²⁷ Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Maung a Balita Biblia

²⁷ Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Probirbio 10:27 Referans Kwoze

Probirbio 9:11

Say kakabatan parokeyen toy bilay mo diad tapew na dalin.

Probirbio 3:2

Say bangat ko et itdan to ka na andokey tan maaligwas a bilay.

Saray Salmo 91:16

Tumangan ko ra na andokey a bilay, tan ilaban ko ra.”

Ecclesiastes 7:17

Balet ag mo met lalabasey inkaoges mo odino inkakulang-kulang mo—akin et ompatey ka kasakbayan na nigetar a panaon?

Saray Salmo 21:4

Kinmerew na bilay et initdan mo, andokey tan andi-anggaan a bilay.

Probirbio 3:16

Say kakabatan itdan to kay andokey a bilay, kayamanan, tan kagalangan.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Probirbio 14:27

Labay mon napaliisay patey? Say panangigalang ed Katawan et sobul na bilay.

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Saray Salmo 92:15

Dia nanengneng a matonung so Katawan, anggapoy kaogsan ed sikato a manangyagel ko.