Probirbio 10:24 - Maung A Balita Biblia

²⁴ Nagamuran na saray totoon matonung so pilalek da, balet onsabid saray totoon maoges so tatakotan da.

Maung a Balita Biblia

²⁴ Nagamuran na saray totoon matonung so pilalek da, balet onsabid saray totoon maoges so tatakotan da.

Probirbio 10:24 Referans Kwoze

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Isaias 66:4

Kanyan iyakar kod sikaray deral—saray bengatlan tatakotan da—lapud anggapod sikaray inmebat nen tinmawag ak, odino dinmengel nen nansalita ak. Nilabay day ag mangonur ed siak tan say manggaway kaogsan.”

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

Juan 14:18

“Ag ta kayo taynan a mambukbukor; pawilen ta kayo.

Saray Salmo 21:2

Inter moy nampilalekan to; ag mo pinabaingan ed kerew to.

Say Libro nen Job 3:25

Onsasabid siak iray amin a tatakotan ko, tan pampapagaan ko.

Saray Salmo 37:4

Say Katawan so pananapan moy liket mo, et iter tod sika ray pampipilalekan na pusom.

Probirbio 1:26

Kanyan no onsabid sikayoy gunigon, elekan ta kayo. Ludlureyen ta kayo no nasabian kayoy takot,

Probirbio 1:27

singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Ezekiel 11:8

Antakot kayod saray ispada? Mangyakar ak dia ingen na saray totoon sankaawit day ispada ya ondogpad sikayo.

Daniel 4:28

Amin da ra ya et agawan tua ed kinen Ari Nabucodonosor.