Probirbio 10:14 - Maung A Balita Biblia

¹⁴ Saray totoon makabat gagawaen day anggaay nayarian da ya arumay pakaamta, balet no saray makulang-kulang so mansalita, asingsingger a golo lay niwala.

Maung a Balita Biblia

¹⁴ Saray totoon makabat gagawaen day anggaay nayarian da ya arumay pakaamta, balet no saray makulang-kulang so mansalita, asingsingger a golo lay niwala.

Probirbio 10:14 Referans Kwoze

Probirbio 18:7

No mansalita so makulang-kulang, dederalen toy sikaton dili, nanaerel ed patit na saray dilin salita to.

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Probirbio 13:3

Alwaran moy panagsalitam, pian niagel moy bilay mo. Say toon anggapoy adyad panagsalita dederalen toy sikaton dili.

Probirbio 10:10

Mangiiter na golo so toon iyaamut toy katwaan, balet mankikimey para kareenan so toon mangibabagay kakulangan.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

Mateo 13:52

Kanyan kuanto, “Ontan sirin, balang iskriban magmaliw a disipulo ed Panariay tawen, miparad akanabung a mangipaway na balo tan daan iran bengatla a manlapud panangisinupan to.”

Mateo 13:44

“Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Mateo 12:35

Maung so manlapud maung a too, lapud napnoy puso to na kamaungan. Maoges so manlapud maoges a too, lapud napnoy puso to na kaogsan.

Probirbio 21:23

No labay mon naarawiay golo alwaran moy panagsalitam.

Probirbio 19:8

Panggawaan moy sikan dili na kamaungan tan manaral ka na anggaay nayarian mo; insan ag mo lilingwanan iray naaralan mo, et onaligwas ka.

Probirbio 18:15

Say toon maung ya impanolo lawas mampipilalek tan akaparaan a manaral.

Probirbio 18:1

Saray totoon ag da amtay miolup ed kapara ran totoo et say pankaabigan da labat so nununoten da; sumpaen day ipapasen a maptek na amin a totoo.

Probirbio 1:5

Sarayan probirbio nayarian da ya anggan aruman so pakatalus da ray makabat lan totoo, tan nayarian dan iwanwan iray walay aral,

Probirbio 12:23

Saray totoon makabat ag to ipanpanta a walay amta to, balet say makulang-kulang ibabawag toy inkakulang-kulang to.

Ecclesiastes 10:12

Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Probirbio 17:20

Ag onaligwas so siopaman a toon mannununot tan mansasalitay kaogsan; kaderalan labat so pansumpalan to.