Probirbio 1:33 - Maung A Balita Biblia

³³ Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Maung a Balita Biblia

³³ Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.

Probirbio 1:33 Referans Kwoze

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Lucas 21:9

Ag kayo natatakot no nabalitaan yo ray bakabakal tan golo-golo. Nakaukolan ya onona ra yan nagawa, balet aliwa nin asingger so anggaay mundo.”

Probirbio 14:26

Say panangigalang ed Katawan mangiiter na talek tan mangyaarawid kaatapan ed sakey a too tan pamilya to.

Probirbio 9:11

Say kakabatan parokeyen toy bilay mo diad tapew na dalin.

Lucas 21:19

Mananos kayo, pian nagamuran yoy tuan bilay.”

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 48:18

“No komun ta dinmengel kayo ed saray ganggan ko, inmagos komun ed sikayo ray bindision a singa kolus ya ag balut naekatan. Sinmasabi komun ed sikayoy pananalo a singa saray daluyon ya onsisipwak ed gilig na dayat.

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Levitico 25:18

Onur yoy amin a ganggan tan bilin na Katawan, pian mambilay kayon arawid kaatapan ed dalin a panayaman yo.

Levitico 25:19

Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Say Libro nen Job 36:11

No oonuren day Dios tan panlilingkuran da, mambilay irad kareenan tan aligwas legan na pambibilay da diad tapew na dalin.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.