Probirbio 1:28 - Maung A Balita Biblia

²⁸ Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Maung a Balita Biblia

²⁸ Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Probirbio 1:28 Referans Kwoze

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Santiago 4:3

Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Say Libro nen Job 27:9

No gunigon so onsabid sikato, dengelen kasi na Dios so itawag to?

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Saray Salmo 18:41

Onkekerew ira na tulong, balet anggapoy mangilaban ed sikara; mikakasi rad Katawan, balet ag to ra ebatan.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Say Libro nen Job 35:12

Onkekerew iray tulong, balet ag ira ebatan na Dios lapud mapaatagey tan maoges iran totoo.

1 Samuel 8:18

No onsabi yan panaon, onakis kayon manriklamo lapud ari yo—et sikayon diliy nanlabay a nawalaan kayoy ari—balet ag kayo dengelen na Katawan.”

Probirbio 8:17

Inarok iray mangaarod siak; narumog ak na saray maseet a manaanap ed siak.

Genesis 6:3

Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Saray Salmo 66:18

No ag ko nagbabawian iray kasalanan ko, ag ak komun dinengel na Katawan.

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Kanta nen Solomon 5:6

Nilukasan koy puirta ta onloob so inarok, balet naandipat la. Agaylay panlabay kon dengelen so bosis to! Inanap ko, balet ag ko nalmo; tinawag ko, balet anggapoy narengel kon ebat to.

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Deuteronomio 1:45

Kanyan kinmerew kayod Katawan na tulong to, balet ag to kayo dinengel, ni inimano.

Saray Salmo 18:42

Mekmekmeken ko ra, et magmaliw iran singa dabuk ya ititikyab na dagem. Gagatinan ko ran singa pitek ed saray dalan.

Amos 8:12

Saray totoo et manakar ira a manlapud Inatey a Dayat ya anggad Dayat na Mediteraneo, insan ira manakar a manlapud baybay ya anggad bokig. Anapen da ed inerman a pasen so salitan manlapud Katawan, balet ag da narumog.