Probirbio 1:27 - Maung A Balita Biblia

²⁷ singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Maung a Balita Biblia

²⁷ singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Probirbio 1:27 Referans Kwoze

Saray Taga Roma 2:9

Manliknay kairapan tan nagunigon ya amin iray totoon manggaway kaogsan, onona, saray Judio tan ontan met na saray Hintil.

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Saray Salmo 58:9

Ag da naamamtaan so kabagut da a singa dika; diad mapalalon pasnuk na Dios isiplug to ra ed arawi legan a mabilay ni ra.

Say Libro nen Job 27:9

No gunigon so onsabid sikato, dengelen kasi na Dios so itawag to?

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,