Probirbio 1:26 - Maung A Balita Biblia

²⁶ Kanyan no onsabid sikayoy gunigon, elekan ta kayo. Ludlureyen ta kayo no nasabian kayoy takot,

Maung a Balita Biblia

²⁶ Kanyan no onsabid sikayoy gunigon, elekan ta kayo. Ludlureyen ta kayo no nasabian kayoy takot,

Probirbio 1:26 Referans Kwoze

Saray Salmo 37:13

Eelekan na Katawan iray totoon maoges, ta amta ton maganggano lan onsabiy kadusa ra.

Saray Salmo 2:4

Makakalek so Katawan a manyodyorung ed trono tod tawen, tan babalawen to ra.

Probirbio 10:24

Nagamuran na saray totoon matonung so pilalek da, balet onsabid saray totoon maoges so tatakotan da.

Lucas 14:24

Kuankod sikayo: anggapod saray onaan ya inimbitaan ko so makataway na ponsiak!’”

Probirbio 6:15

Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

Saray Huis 10:14

Laka yon ontawag ed saray diriyos a pinili yo. Paiyagel kayod sikara no wala kayod gunigon.”

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Saray Salmo 59:8

Balet sika, Katawan, elek-elekan mo ra; balbalawen mon amin iray bansa.

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Probirbio 12:8

No makabat ka nadayew ka, balet no makulang-kulang ka nabalaw ka.

Probirbio 19:29

Andi-saew a nabakbak iray mapaatagey a makulang-kulang.