Probirbio 1:1 - Maung A Balita Biblia

¹ Saraya so probirbio nen Solomon a lakin anak nen David tan ari na Israel.

Maung a Balita Biblia

¹ Saraya so probirbio nen Solomon a lakin anak nen David tan ari na Israel.

Probirbio 1:1 Referans Kwoze

Probirbio 10:1

Sikara yay probirbio nen Solomon: Paliketen na makabat ya anak so ama to; balet paermenen na makulang-kulang ya anak so ina to.

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

Ecclesiastes 1:1

Sikara yay salita na Managpulong, say lakin anak nen David, tan ari na Jerusalem.

Probirbio 25:1

Nia ray arum nin probirbio nen Solomon, a sinakal ira na saray lalaki diad korti nen Ari Ezekias na Juda:

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

1 Saray Arari 2:12

Si Solomon sinalatan ton ari si ama ton David, tan binmiskeg so inkiletneg na nanarian to.

Ecclesiastes 12:9

Lapud makabat imay Managpulong, ag to tinondaan so nambangat ed saray totoo. Inaaral to ray probirbio, tan inapiapiger ton sinusubok so katwaan da.

1 Saray Awaran 29:28

Masiken la nen inatey. Andokey so bilay to, mayaman tan napnoy kagalangan. Sinmalat ed sikaton nanari si Solomon a lakin anak to.

Juan 16:25

“Imbagak ira yad sikayo diad panamegley na alimbawa. Balet onsabiy panaon ya ag ko la mansalitay onya, no ag ta ibagak lan malinlinew ed sikayoy nipaakar ed Ama.

1 Saray Arari 5:12

Initdan na Katawan si Solomon na kakabatan onung na insipan to. Maung so olupan dan dua nen Solomon tan si Hiram, tan nanggawa ray sakey a paknaan.

1 Saray Awaran 29:23

Kanyan si Solomon sinalatan ton manari si ama ton David, tan inmirung ed tronon inletneg na Katawan. Maaligwas so impanari to, tan inmonur ed sikato ray amin ya Israelita.

Probirbio 22:21

tan ibangat dad sika no anto so peteg a katwaan. Diad ontan, niiter moy tuan ebat ed saray mangibakid sika.