Oseas 9:7 - Maung A Balita Biblia

⁷ Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Maung a Balita Biblia

⁷ Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! Sayan propita, kuanyo, et makulang-kulang. Ambagel yan toon apuyanan na ispiritu. Mapalaloy pambobosul yod siak lapud ambelat lan tuloy so kasalanan yo.

Oseas 9:7 Referans Kwoze

Mikias 7:4

Anggan say sankamaungan tan sankatonungan ed sikara et singa la andi-kakanaan a dika. Sinmabi lay agew a dusaen na Dios iray totoo, onung na pasakbay ed sikara na saray managbantay ed sikara, salanti saray propita. Agolo-golo la ra natan.

2 Saray Arari 9:11

Pinmawil si Jehu ed saramay kapara ton opisyal, tan tinepet dad sikato, “Kamaungan ya amin so agawa? Antoy nilaan tod sika may ambagel a too?” “Amta yo no antoy nilaan to,” ebat nen Jehu.

Marcos 3:21

Nen nadngelan ya na saray kakanayon to, labay da lan iyarawi lapud saray totoo et ibabaga ran nanaambagel.

Ezekiel 13:3

Sikato ya so ibabaga na Katawan a Dios: “Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

2 CORINTO 5:13

No singa kami ambagel, Dios so kipaakaran to, no makalakal kami, sikayoy kipaakaran to.

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Ezekiel 13:10

“Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.

Jeremias 29:26

‘Say Katawan ginawa to kan pari a sinmalat ed kinen Joiada tan sika natan so manonan opisyal na Timplo. Kanepegan mon pabalur na golunggolung tan pasolungay kuilyon balatyang so beklew na balang sakey a manluko-lukowan a mampropisiya.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Oseas 9:8

Say Dios imbaki to ak a sakey a propitan mamasakbay ed saray totoo ton Israel. Balet anggan iner a laen ko, papatitan yo ak a singa sakey a manok. Diad dilin dalin na Dios saray totoo so kalaban na propita.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Ezekiel 25:17

Mapalaloy panusak ed sikara tan iyoput koy anggaay nayarian kon ombales ed sikara. Nalikna ra so pasnuk ko. Diad satan naamtaan da a siak so Katawan.”

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Jeremias 11:23

Anggapod sikaray nakeraan no onsabiy panaon ya inggetar kon panusak ed saray totood Anatot.”

Jeremias 8:11

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Jeremias 23:13

Anengneng koy kasalanan na saray propitad Samaria; nampropisiya rad ngaran nen Baal, tan imbalang da ray totook ya Israelita.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 5:9

Onsasabi lay agew na pakadusa yo, tan naderal so Israel. Totood Israel, andi-saew a nagawa yay imbagak!