Oseas 9:3 - Maung A Balita Biblia

³ Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Maung a Balita Biblia

³ Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Oseas 9:3 Referans Kwoze

Ezekiel 4:13

Say Katawan kuanto, “Onya naani so pangan na saray Israelita ed saray kakanen ya isesebel na Ganggan, no itaytayak ko rad saray arum a bansa.”

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Levitico 25:23

Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Daniel 1:8

Tinibokel nen Daniel ed kanunotan to ya ag to abuloyan a magmaliw a marotak onung ed ganggan diad pangan to na kakanen tan diad iyinom to na alak a manlalapud palasio. Lapud saya kinerew tod kinen Aspenaz ya abuloyan ton ag narotakan onung ed ganggan,

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Saray Gawgawa 10:14

Inmebat si Pedro, “Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.”

Mikias 2:10

Alagey kayo tan lakayo la; maatap la diay bilay. Lapud saray kasalanan yo niganan naderal yan pasen.

Oseas 11:11

Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Deuteronomio 28:68

Say Katawan papawilen to kayod Egipto ya akalogan ed saray bapor, anggaman ya imbaga ton ag kayo lad man ompawil. Salien yon ilakoy sikayon dili ya ariripen na saray kalaban yo, balet anggapoy malabay a manaliw ed sikayo.”

Levitico 20:22

Say Katawan kuanto, “Onur yo ray amin a ganggan tan amin a bilin ko, pian ag kayo ipolisay na dalin na Canaan a pangyaakaran kod sikayo.

Levitico 18:28

et diad ontan say dalin ag to kayo pagiten, a singa impamagit tod saray pagano a nanayam diman kasakbayan na panayam yo.

Saray Tagleey 5:6

Linma kamid Asiria tan Egipto ya akikerew, pian nawalaan kamiy magenap a napambilay.

Oseas 7:16

Itutuloy day onsingger ed sakey a dios ya anggapoy pakayari. Ag ira napanmatalkan a singa pikewet a pana. Lapud mapaatagey ed panagsalita iray pangulo ra ompatey irad ispada. Diad ontan elekan ira na saray Egipsio.”

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”