Oseas 9:15 - Maung A Balita Biblia

¹⁵ Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Maung a Balita Biblia

¹⁵ Say Katawan kuanto, Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Oseas 9:15 Referans Kwoze

Oseas 12:11

Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

1 Samuel 7:16

Tinaon a liberen toy Betel, Gilgal, tan Mizpa, tan sinisintinsiaan to ray kolkolan na saray totood sarayan pasen.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Amos 5:27

no awiten ta kayon ibantak ed dalin a labas na Damasco,” kuay Katawan a say ngaran to et Makapanyarin-amin a Dios.

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Oseas 7:2

Ag dan balut ninunnunot ya ag ko nalingwanan ya amin iray kaogsan da; balet aliktub ira na saray kaogsan da, tan sankanengneng ko ra.”

Oseas 4:9

Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Oseas 1:9

Say Katawan kuantod kinen Oseas, “Ingaran mo so anak mo na ‘Aliwan-Took,’ ta ag ko totoo iray totood Israel, tan aliwan siak so Dios da.”

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Ezekiel 23:18

Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Jeremias 11:15

Say Katawan kuanto, “Manggagaway kaogsan iray totoon inararok. Anto sirin so kanepegan dan niwala rad Timplo? Abaloan dan napaer day deral ya onsabid sikara diad panggagawa ra na saray sipan tan diad pangibabagat dad saray ayayep? Makapanliket ira sirin?

Jeremias 5:5

Onla ak ed saray totoon walad pakaoley tan misalita ak ed sikara. Andi-saew ya amta ra no anto so linawa na Dios da, amta ra so ganggan na Katawan.” Balet amin da impolisay da so pakaoley na Katawan; ag da labay so ontoluk ed sikato.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

Josue 10:43

Kayari to ya, pinmawil ed kampod Gilgal si Josue tan saray sondalo to.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Saray Gawgawa 5:21

Tinmoluk ira may apostol kanyan diad kabkabwasan, linmoob irad Timplo tan ginapoan day nambangat. Samay Pangulon Pari tan saramay kakaiba to tinawag da ray mamatakken a Judio, ta manmiting so intiron Sanidrin. Insan da impatawag ya onarap ed sikara ira may apostol.

Jeremias 12:8

Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.