Oseas 9:12 - Maung A Balita Biblia

¹² Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Maung a Balita Biblia

¹² Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.

Oseas 9:12 Referans Kwoze

Oseas 7:13

“Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Oseas 9:16

Saray totood Israel et singa ra sakey a tanaman ya amagaay lamut to tan ag makapambunga. Ag la ra makaanak, et anggaman a makaanak ira, pateyen ko ray inararo ran anak.”

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Oseas 9:13

Katawan, sankanengneng kon saray ogogaw et nanaosilan ira tan napapatey ira.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Jeremias 15:7

Diad kapag baley ed bansa, imbantak ta kayod tagey a singa taep. Dineral ta kayo, totook, pinapatey ko ray anak yo lapud ag yo tinondaan so maoges a kabibilay yo.

Say Libro nen Job 27:14

Nayarin nawalaan na amayamay ya anak a lalaki, balet napatey iran amin ed bakal; kulang lawas so tagano da ray anak to.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 17:18

Mapalalo sirin so pasnuk na Katawan ed saray Israelita, kanyan pinataynan to rad arap to tan intilak to labat so nanarian na Juda.

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

Saray Huis 4:16

Inosilan nen Barac ira may karwahi tan saramay sondalo ya anggad Haroset-na-saray-Hintil, et apatey ya amin iray sondalo nen Sisara. Anggapoy lakin atilak ed sikara.

Deuteronomio 28:32

Sankanengneng yon niiter ya ed saray sangkaili iray anak yon lalaki tan bibii. Inagew-agew ya onagasang so mata yod pannengneng yod ipawil na saray anak yo, balet ta ag la ra ompawil.

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Jeremias 6:8

Totood Jerusalem, ipasen yon pasakbay ed sikayo ira yan gunigon, et no ag kayo ondengel ikaindan ta kayo; gawaen kon kabueran so siudad yo, sakey a pasen ya anggapoy malabay a manayam.”

Malakias 2:12

Ekalen komun na Katawan ed olupan na saray Israelita so siopaman a nanggawad saya, tan ag to la ran balut pibiangen ed saray bagat ya isasaklang na bansa tayo ed Katawan a Makapanyarin-amin.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Deuteronomio 28:18

“Say Katawan isamba to kayo diad pangiter tod sikayo na daiset ya anak, makapoy a bunga na saray tanaman, tan daiset a baka tan karniro.

Saray Tagleey 2:22

Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.