Oseas 8:9 - Maung A Balita Biblia

⁹ Ginawa na saray totood Israel so labalabay da, a kapara ray sakey a mabanos ya asnod katakelan. Linma ran onkerew na tulong ed Asiria tan anguupa ra na saray arum a bansan mangyagel ed sikara.

Maung a Balita Biblia

⁹ Ginawa na saray totood Israel so labalabay da, a kapara ray sakey a mabanos ya asnod katakelan. Linma ran onkerew na tulong ed Asiria tan anguupa ra na saray arum a bansan mangyagel ed sikara.

Oseas 8:9 Referans Kwoze

Jeremias 2:24

maples ya oonlad kalawakan. No manmamaya, siopay makapareen ed sikato? Ag manirap so dinan man a kalakyan a malabay ya onkabayod sikato; mainomay a kabayoan no panagmaya to.

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.

Isaias 30:6

Sikato yay sinalita na Dios nipaakar ed saray ayayep ed kalawakan diad abalaten: “Saramay imbaki ondadalan irad maatap a kalawakan a panaayaman na saray lion tan wala ray maditan oleg tan mantikyab a dragon. Saray beneg na saray asno tan saray kamilyo et pinano ra na saray mabmablin rigalo ya iter dad bansan ag makatulong ed sikara.

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.