Oseas 7:8 - Maung A Balita Biblia

⁸ Say Katawan kuanto, “Saray totood Israel et singa ra tinapay a kapkapalduay aluto. Manmamatalek irad saray bansad kaliber-liber da,

Maung a Balita Biblia

⁸ Say Katawan kuanto, Saray totood Israel et singa ra tinapay a kapkapalduay aluto. Manmamatalek irad saray bansad kaliber-liber da,

Oseas 7:8 Referans Kwoze

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

Esdras 9:12

Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.

Malakias 2:11

Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Mateo 6:24

“Anggapoy toon makapanlingkur ed duaran amo, ta bosulen toy sakey tan aroen toy sakey, panlingkuran toy sakey tan balawen toy sakey. Ag kayo makapanlingkur ed Dios tan say kayamanan.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

Oseas 5:7

Aliwa ran matoor ed Katawan; ag to kayaryan iray anak da. Kanyan ag mabayag naderal ira tan saray dalin da.

Oseas 7:9

et ag da nanaamamtaan a nanaoyusan iray biskeg, lapud sayan gagawaen da. Magano lay anggaan da, et ag da anggan amta.