Oseas 7:13 - Maung A Balita Biblia

¹³ “Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Maung a Balita Biblia

¹³ Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Oseas 7:13 Referans Kwoze

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Oseas 11:12

Say Katawan kuanto, “Saray totood Israel et niliktub da ak na saray tila tan palikdo, tan saray totood Juda et siansia nin onlalaban irad siak, say matoor tan masanton Dios.

Puyan 8:13

Insan anengneng koy sakey ya agilan ontitikyab ed liwang tan nadngel kon oneeyag, “Makapataktakot! Makapataktakot! Pakaskasi ya amin iray mambibilay ed tapew na dalin no sibuken la na taloran anghil iray trumpitan nepeg da nin sibuken!”

1 Juan 1:10

No ibaga tayon ag itayo nankasalanan, gawaen tayon matilay Dios tan anggapod sikatayoy salita to.

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Jonas 1:10

Intuloy nen Jonas ya imbagad sikara ya ibabatikan toy Katawan. Mapalaloy inkataktakot da ra may mariniro, kanyan kuandad sikato, “Akin et ontay ginawam?”

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.

Oseas 7:3

Say Katawan kuanto, “Diad panamegley na saray totoo, papalikdoen da so ari tan saray opisyal to.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Ezekiel 34:6

Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.

Ezekiel 18:25

“Balet kuanyo, ‘Aliwan matonung so gagawaen na Katawan a Dios!’ Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.

Ezekiel 18:2

tan inkuanto, “Anto ta yay probirbio ya olit-oliten ya ibaga na saray totoo ed dalin na Israel? ‘Kakanen na saray atateng so ubas ya anapseng, Balet saray anak so nakikilem.’

Ezekiel 16:23

Inkuan na Katawan a Dios, “Pakaskasi ka! Pangaskasiyay kipapasen mo, Jerusalem! Ginagawam la ra man ya amin a kaogsan, insan

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Isaias 63:8

Say Katawan kuanto, “Sikaray totook; ag da ak palikdoen.” Kanyan inlaban to rad

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Saray Salmo 106:10

Inlaban to rad saray amosul ed sikara; inyagel to rad saray kalaban da.

Say Libro nen Job 22:17

Sikara yay totoon angipolisay ed Dios tan inisip dan anggapoy nagawaan tod sikara.

Nehemias 1:10

“Katawan, sikara yay aripen mo, saray dilin totoom. Inyagel mo ra diad panamegley na baleg a pakayarim tan biskeg mo.

Deuteronomio 15:15

Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Jeremias 7:15

Paandipaten ta kayod pakanengneng ko a singa samay ginawak ed saray kakanayon yon totood Israel. Siak, say Katawan, so nansalita.”

Jeremias 51:9

Saray taga arum a bansan manaayam diman kuanda, ‘Sinali min tutulongan so Babilonia, balet anggapo lay nagawaan mi. Taynanan ti la, ta ompawil ti lad dilin bansa tayo. Dinusa na Dios ed anggaay pakayari to so Babilonia tan dineral ton sigput.’”

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Oseas 5:7

Aliwa ran matoor ed Katawan; ag to kayaryan iray anak da. Kanyan ag mabayag naderal ira tan saray dalin da.