Oseas 7:11 - Maung A Balita Biblia

¹¹ Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Maung a Balita Biblia

¹¹ Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Oseas 7:11 Referans Kwoze

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

Oseas 11:11

Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”

Oseas 4:11

Say Katawan kuanto, “Eekalen na daan tan say balon alak so kalakal na saray totook!

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

Jeremias 2:18

Antoy nagunggonam ed iyakar mod Egipto? Say pakainom moy danum na Ilog na Nilo? Antoy nagunggonam ed iyakar mod Asiria? Say pakainom moy danum na Ilog na Eufrates?

Probirbio 17:16

Anggapoy kakanaan na panggastos na makulang-kulang ed pakagamur toy aral, ta ag to ikakanay olo to.

Probirbio 15:32

No ag mo labay so manaral, sisibletan moy sikan dili. No awaten moy maung a simbawa naaromay kakabatan to.

Probirbio 6:32

Balet anggapoy kalakal so lakin mikakaloguran. Dederalen to labat so sikaton dili.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Oseas 5:4

Say kaogsan a ginagawa na saray totoo so makaskasbel na ipawil dad Dios da. Say panangigalang ed saray talintaoy diriyos so mabiskeg a manesebel ed sikara tan ag da bibirbiren so Katawan.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

2 Saray Arari 16:7

Angibakiy Acaz na totoo ed kinen Tiglat-pileser ya impirador na Asiria, tan impaikuanto: “Siak so matoor ya aripen mo. Dago mo ak pa, ta iyagel mo ak ed saray ararid Siria tan Israel ya ondodogpad siak.”

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.

Obadias 1:7

Pinalikdo kayo na saray kagampi yon bansa; pinataynan da kayo ed dilin bansa yo. Dinakep kayo la natan na saray totoon kakaaro yo nen saman. Pinatitan kayo na saray totoon malmalet yon kakaaro; ikuandad sikayo, ‘Iner natan so kawalaan na kasiliban da?’