Oseas 5:3 - Maung A Balita Biblia

³ Amtak so kapara na Israel—ag to ak naboryan. Aliwan matoor ed siak so Israel, tan saray totoo to et marotak ira, kanyan aliwa ran manepeg a mangigalang ed siak.”

Maung a Balita Biblia

³ Amtak so kapara na Israelag to ak naboryan. Aliwan matoor ed siak so Israel, tan saray totoo to et marotak ira, kanyan aliwa ran manepeg a mangigalang ed siak.

Oseas 5:3 Referans Kwoze

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Puyan 3:15

Amtak iray ginagawam; amtak ya aliwa kan ambetel odino ampetang. Agaylay pampirawat kon ambetel o ampetang ka komun!

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Oseas 13:1

Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 8:11

“No kaonungay idadakel na ipapaalagey dan pakaekalay kasalanan, ontan met so idadakel na saray pasen a pakapankasalananan da.

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Oseas 5:9

Onsasabi lay agew na pakadusa yo, tan naderal so Israel. Totood Israel, andi-saew a nagawa yay imbagak!

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Isaias 7:5

Nankomplut sumpad sika so Siria tan say Israel.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”

Isaias 7:16

Anggan kasakbayan to yan panaon, nataynan iray dalin na saramay duaran ari a manataktakot ed sika.

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Oseas 6:10

Akanengneng ak na makapataktakot a bengatla ed Israel: Dinotakan na saray totook so sikaran dili onung ed ganggan diad pangigagalang dad saray talintaoy diriyos.

Oseas 13:5

Tinalima ta kayo nen wala kayod kalawakan ya anggapoy danum.