Oseas 5:14 - Maung A Balita Biblia

¹⁴ Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Maung a Balita Biblia

¹⁴ Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Oseas 5:14 Referans Kwoze

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Saray Tagleey 3:10

Singa uson mantatalaran ed siak; singa lion ya anegkem ed siak.

Say Libro nen Job 10:16

No siak so onaligwas osilan mo ak a pateyen a singa lion; manggagawa ka na anggan saray milagro a mamasakit ed siak.

Say Libro nen Job 10:7

Amtam ya anggapoy kasalanan ko, tan anggapoy makapangyagel ed siak ed sika.

Deuteronomio 28:31

Napatas ed arap yo ray baka yo, balet ag yo natawayan so karni ra. Sankanengneng yon nigayugoy iray asno, balet ag la ra nipawil ed sikayo. Niiter ed saray kalaban yo iray karniro yo, balet anggapoy siopaman ya ontulong ed sikayo.

Jeremias 25:38

Inkaindan na Katawan iray totoo to a singa lion ya ontataynan ed ongib to. Nagmaliw a kalawakan so bansa ra lapud baleg a bakal tan lapud mapalalon petang na olo na Katawan.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Oseas 2:12

Deralen koy kaubasan to tan saray kakiewan ton igos, ya onung ed imbaga to iniiter ed sikato na saray kainarowan to, lapud panlilingkur tod sikara. Pagmaliwen kon kalawakan iray kaubasan to tan saray kakiewan to; deralen ira na saray ayayep ed katakelan.

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.