Oseas 5:10 - Maung A Balita Biblia

¹⁰ Say Katawan kuanto; “Mamapasnuk ak lapud saray pangulo na Juda et nilooban day Israel, tan anamsam iray dalin ed sikato. Kanyan ibung kod sikara a singa delap so dusa.

Maung a Balita Biblia

¹⁰ Say Katawan kuanto; Mamapasnuk ak lapud saray pangulo na Juda et nilooban day Israel, tan anamsam iray dalin ed sikato. Kanyan ibung kod sikara a singa delap so dusa.

Oseas 5:10 Referans Kwoze

Deuteronomio 19:14

“Ag yo iyaalis so ketegan na kaabay yo, ketegan ya abaybayag lan nipasen ed dalin ya iiter ed sikayo na Katawan a Dios yo.

Saray Salmo 32:6

Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.

Deuteronomio 27:17

“‘Napelag komun so samba na Dios ed siopaman a mangyalis na mohun na dalin na kaabay to.’ “Insan onebat iray amin a totoo, ‘Amen!’

Lucas 6:49

Say toon ondengel ed saray salitak, balet et ag to ra lamlamang tombuken, aliling toy sakey a toon angipaalagey na abung ed dalin tan anggapoy pundasion. Nen sinmabiy delap, nagban tampol iman ya abung, tan makapataktakot so inkaderal to!”

Mateo 7:27

Sinmabiy maples ya oran, dinmelap, tan katekep to niy maksil a bagyon binmasig ed saman ya abung. Nagba yan abung, tan makapataktakot so inkagba to!”

Ezekiel 7:8

“Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.

Probirbio 22:28

Ag mon balut iyaalis so daan a ketegan ya impasen na saray lalakim.

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

Saray Salmo 88:17

Singa ra delap a manliliktub lawas ed siak; onaasingger ira ya onlalakub ed siak.

Saray Salmo 69:24

Idapom ed sikaray pasnuk mo; ipaterak mo pad sikaray petang na olom.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Ezekiel 22:22

Natonaw ira ed Jerusalem a singa katonaw na pilak ed palbaan, et diad satan naamtaan da a liliknaen da so sulit na pasnuk ko, siak a Katawan.”