Oseas 4:1 - Maung A Balita Biblia

¹ Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Maung a Balita Biblia

¹ Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Oseas 4:1 Referans Kwoze

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Mikias 6:2

Sikayo ran kapalandeyan, sikayo ran andi-anggaan a pundasion na dalin, dengel yoy pangaakusa na Katawan! Say Katawan walay pangakusaan tod saray totoo to. Akusaen toy Israel.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.

Jeremias 25:31

say tanul na bosis to makmakbaw ed anggan iner a sokung na mundo. Say Katawan akusaen to ray bansa. Salaysayen ton amin iray katoowan, tan papatey to ray totoon maoges. Say Katawan so nansalita.’”

Jeremias 5:4

Insan ko ninunot, “Sikara ya labat so mairap-bilay tan anggapoy amta. Makulang-kulang ira; ag da amta so linawa na Katawan; ag da amta so ganggan na Dios da.

Isaias 34:1

Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Amos 7:16

Kanyan dengel ka natan ed ibabagay Katawan. Ibabagam ya ontonda ak a mampropisiya, ya ontonda ak a mampulong sumpad saray totood Israel.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Jeremias 34:4

Sedekias, dengel moy ibabagak nipaakar ed sika. Ag ka napatey ed bakal.

Jeremias 19:3

Imbagad siak na Katawan ya ikuanko, “Dengel kayo, arari na Juda tan sikayon totood Jerusalem, ed labay kon ibaga, siak a Katawan a Makapanyarin-amin a Dios na Israel. Mangyakar ak ed sayan pasen na deral, et onkaningking so layag na balang sakey a makadngel ed sayan deral.

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Jeremias 2:4

Dengel yoy salitay Katawan, sikayon ran kabyangay boleg nen Jacob, sikayo ran tribu na Israel.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Isaias 28:14

Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Isaias 5:3

Kanyan natan say kaarok kuanto, “Sikayo ran totoon manaayam ed Jerusalem tan Juda, antoy nibaga yo nipaakar ed siak tan say kaubasan ko?

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Isaias 59:8

tan maatap so bilay na amin a too no siber-siber kayo. Andid katonungan iray amin a gagawaen yo. Pikewet a dalan so totombuken yo, tan maatap so bilay na amin a manakar ed satan a dalan.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.

Joel 1:2

Dengel kayo, sikayon mamatakken a totoo; dengel kayo, sikayon amin a totood Juda. Walay bengatlan singa onyan agawa diad panaon yo odino diad panaon da ray lalaki yo?

Saray Salmo 81:9

Nepeg ya ag kayo mangigalang ed sananey a dios.

Jeremias 2:9

“Kanyan, siak, say Katawan, sumpaen ko lamet iray totook. Sumpaen ko ray anak na saray anak da.

Jeremias 9:7

Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Ezekiel 16:35

Natan sirin, Jerusalem, sikan marotak a bii! Dengel moy ibabaga na Katawan:

Oseas 5:4

Say kaogsan a ginagawa na saray totoo so makaskasbel na ipawil dad Dios da. Say panangigalang ed saray talintaoy diriyos so mabiskeg a manesebel ed sikara tan ag da bibirbiren so Katawan.

Oseas 12:3

Akipoligesgesan si laki ran Jacob ed kinen Esau a kalasun to nen wala ni rad eges na ina ra; nen binmaleg lay Jacob, akibalsakan ed Dios—

Amos 3:1

Totood Israel, dengel yo yay sinalita na Katawan nipaakar ed sikayo, amin yon totood bansa ya impaway to ed Egipto: