Oseas 13:6 - Maung A Balita Biblia

⁶ Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Maung a Balita Biblia

⁶ Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Oseas 13:6 Referans Kwoze

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Nehemias 9:35

Lapud abuloy mo saray arari inoleyan da ray totoom, legan a manaayam irad maawang tan mabunan dalin ya inter mod sikara; balet ag da binenegan so kasalanan tan ag da ka nanlingkuran.

Deuteronomio 32:18

Alingwanan day Dios da, say makapanyarin manangilaban da, say angiter ed sikara na bilay.

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Ezekiel 23:35

Natan sikato ya so ibabaga na Katawan a Dios: “Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.”

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Oseas 2:7

Osilan to ray kainarowan to, balet ag to ra naabot. Anapen to ra, balet ag to ra narumog. Insan to ikuan, “Ompawil ak ed samay inmonan asawak, ta maung niy kipapasen na bilay ko nen kaamung ko nen say kipapasen ko natan.”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Oseas 4:7

“No panoy idadakel yon papari, ontan met so idadakel na kasalanan yo, kanyan pagmaliwen kon kababaingan so kagalangan yo.

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Oseas 12:8

‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.