Oseas 13:15 - Maung A Balita Biblia

¹⁵ Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Maung a Balita Biblia

¹⁵ Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 13:15 Referans Kwoze

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Ezekiel 17:10

On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?”

Jeremias 4:11

Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo—

Genesis 49:22

“Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

Genesis 41:52

Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Nahum 2:9

Samsam yo ray pilak! Samsam yo ray balituk! Napno na kayamanan so siudad!

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Oseas 9:11

Say inkatalonggaring na Israel et ontikyab a singa sakey a manok, tan anggapo lad sikaray ogaw a nianak, anggapo lad sikaray manlokun, tan anggapo lad sikaray ninginew ya ogaw.

Oseas 4:19

Nibantak ira naani ed arum a bansa, a singa ra intikyab na mabiskeg a dagem tan ombaing ira lapud saray paganon bagat da.

Daniel 11:8

Awiten tod Egipto iray talintaoy diriyos da tan saray kagawaan a balituk tan pilak a nisaklang ed saraman a diriyos. Kalabas na pigaran taon a walay kareenan ed kaliber-liber

Jeremias 51:36

Kanyan say Katawan kuantod saray taga Jerusalem, “Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Jeremias 20:5

Ipasamsam kod saray kalaban da iray amin a kayamanan ed sayan siudad, tan alaen da ray amin a kayaryan to, anggan saray kayamanan na saray ararid Juda, tan awiten da ran amin ed Babilonia.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 14:21

Igapo lay pampatey! Ompatey ira yan lalakin anak na ari lapud saray kasalanan na lalaki ra. Pateyen ira pian anggapod sikaray manoley ed mundo odino mangiletneg na amayamay a siudad ed tapew na dalin.

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Saray Salmo 1:4

Balet aliwan onyay toon maoges, singa taep ya ititikyab na dagem.

Say Libro nen Job 18:16

Amagaan iray lamut to tan nalnes iray sanga to.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”

Genesis 48:19

Ag inmabuloy si ama to tan kuanto, “On, amtak anak ko. Magmaliw met a matalonggaring a totoo iray kabyangay boleg nen Manases. Balet magmaliw a matalonggaring ni so yogtan to nen say sikato, tan magmaliw a matalonan bansa iray kabyangay boleg to.”

Genesis 41:6

Insan pinmaway met so pitoran dawa ya apa tan amaga ra, lapud adalan ira na dagem a nanlapud kalawakan.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Jeremias 4:12

say dagem ya onsibuk onung ed ganggan na Katawan et mabiskeg a tuloy! Say Katawan a dili so manisintinsia ed saray totoo to.

Jeremias 51:1

Say Katawan kuanto, “Mangyakar ak ed Babilonia tan saray totoo to na managderal a dagem.

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Genesis 41:23

Insan pinmaway met so pitoran dawa ya apa tan amaga, lapud adalan na dagem a nanlapud kalawakan.