Oseas 13:10 - Maung A Balita Biblia

¹⁰ Kinmerew kayo na sakey ya ari tan saray pangulo, balet panoy pangilaban da ed bansa?

Maung a Balita Biblia

¹⁰ Kinmerew kayo na sakey ya ari tan saray pangulo, balet panoy pangilaban da ed bansa?

Oseas 13:10 Referans Kwoze

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Oseas 10:3

Ag mabayag sarayan totoo ikuanda, “Anggapoy ari mi lapud ag mi tinakotan so Katawan. Balet, anto lamlamang so nitulong na ari ed sikami?”

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Isaias 43:15

Siak so Katawan, say masanton Dios yo. Pinalsa ta ka, Israel, tan siak so arim.”

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Saray Salmo 89:18

Pinilim so manangyagel mi, O Katawan; sika a Masanton Dios na Israel initdan mo kamiy ari.

Saray Salmo 74:12

Balet, O Dios, nanlapu lad gapo sikay ari mi; amimpiga-pigan inyagel mo kami.

Saray Salmo 44:4

Sikay arik tan Dios ko; panataloen mo ray totoom,

Saray Salmo 10:16

Anggad angga ya ari so Katawan, tan naandipat ed dalin to iray ag manisiad sikato.

2 Saray Arari 17:4

Balet aminsan a taon si Oseas angibakid Ari So na Egipto na pigaran totoo to tan patulongan, tan tinondaan toy nambayar na tinaon buis ed Asiria. Nen akabatan ya nen Salmaneser, impaerel toy Oseas, insan to impaipriso.

1 Saray Arari 12:20

Nen nadngelan na saray totood Israel a pinmawil lay Jeroboam a nanlapud Egipto, binagaan dan mitongtong ed saray totoo, insan da ginawan ari na Israel. Saray kabyangan labat na tribu nen Juda so nansiansian matoor ed saray kabyangay boleg nen David.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Oseas 7:7

“Diad inliub na petang na olo ra pinatey da ray manoley da. Impansosoblayan dan pinapatey iray arari ra, et anggapoy kinmerew ed siak na tulong.”

1 Samuel 8:7

et inkuan na Katawan, “Onur mon amin so ibagay totoo ed sika. Aliwan sikay impolisay da; siak so impolisay da ya ari ra.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.