Oseas 13:1 - Maung A Balita Biblia

¹ Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.

Maung a Balita Biblia

¹ Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.

Oseas 13:1 Referans Kwoze

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

1 Saray Arari 12:25

Si Ari Jeroboam na Israel niliber toy padir so baley na Sikem diad nipokdul a luyag na Efraim tan nanayam diman ya agano. Tinmaynan diman tan niliber toy padir so baley na Penuel ya inalisan to.

1 Samuel 15:17

Inmebat si Samuel, “Anggaman ya ipapasen moy sikan dili ya abeba, sikay pangulo da ray tribu ed Israel. Say Katawan nilanaan to kan manari ed Israel,

Saray Huis 12:1

Namparaan a mibakal iray totoo nen Efraim; binaliw day Jordan tan linma rad Zafon tan kuandad Jefte, “Akin et binaliw moy ketegan diad impibakal mod saray Ammonita ya ag mo kami tinawag ya akilad sika? Poolan miy abung mo legan a wala kad dalem to!”

Saray Huis 8:1

Insan inkuan na saray lalakid Efraim ed kinen Gedeon, “Akin et ag mo kami tinawag nen linma kayon akibakal ed saray Madianita? Akin et onyay impangipasen mod sikami?” Ampetang so olo ran nanriklamo lapud saya.

Josue 3:7

Say Katawan kuantod kinen Josue, “Lapud gawaen ko natad sayan agew, igapo na amin da ray Israelita so pamagalang dad sika a sakey a matalonggaring a too, tan nabirbir da a wala ak ed sika a singa inkiwalak ed kinen Moises.

Saray Bilang 13:16

Sikara yay ispian imbaki nen Moises a mannengneng ed dalin. Sinalatan to na Josue so ngaran nen Oseas a lakin anak nen Nun.

Saray Bilang 10:22

Say ontombuk a mankurang et saray walad silong na bandira na olupan ya iwawanwan na tribu nen Efraim. Agrupo-grupo ra tan si Elisama a lakin anak nen Amihud so pangulo ra.

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Taga Roma 5:12

Linmoob so kasalanan ed sankamundoan diad panamegley na sakey a too, tan linmoob so patey diad panamegley na kasalanan to. Lapud saya kinmayat so patey ed amin a katoowan, ta nankasalanan iran amin.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Say Libro nen Job 29:21

Nen naniiter ak na simbawa, marereen iray totoo tan marengerengel irad saray ibabagak;

Say Libro nen Job 29:22

anggapo lay niarum da no kasumpal kon manimbawa. Saray salitak sinmepsep ed muling da a singa oran ed dalin;

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.