Oseas 12:8 - Maung A Balita Biblia

⁸ ‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’

Maung a Balita Biblia

⁸ Mayaman kami, kuanda. Amayamay so atipon min kayaryan, tan anggapoy makaakusad sikami ed impansasaol mi.

Oseas 12:8 Referans Kwoze

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

Zacarias 11:5

Papateyen ira na saray akankayaryan ed sikara, et ag ira ya nadudusa. Ilalako ray karni tan kuanda, ‘Nagalang komun so Katawan! Mayaman kami la!’ Ag ira kakasian na anggan saray dilin pumapastol da.” (

Probirbio 30:20

Onyay kagagawa na biin aliwan matoor ed asawa to; mikaloguran, manames, insan kuanto, “Anggapoy ginawak a maoges!”

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Saray Salmo 49:6

saray totoon manmamatalek ed kayaryan da, tan ilalastug day dakel a kayamanan da.

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Lucas 16:13

“Anggapoy aripen a makapanlingkur ed duaran amo, ta bosulen toy sakey tan aroen toy sakey; panlingkuran toy sakey tan balawen toy sakey. Ag kayo makapanlingkur ed Dios tan say kayamanan.”

Lucas 12:19

Insan ikuankod siak a dili, Mapalpalar ka, ta ag ka la onkulang ed amin a nakaukolan mod pigapigan taon. Natan, nayarian mo lay manliket, mangan, tan oninom ya anggapoy pagpagam!’

Lucas 10:29

Balet labay to may makabat ed Ganggan a bawiey kagalangan to, kanyan tinepet tod kinen Jesus, “Siopay kaabay ko?”

Malakias 3:13

“Anagasang iray sinasalita yo a nipaakar ed siak,” kuay Katawan. “Balet tetepeten yo, ‘Antoy imbaga mi nipaakar ed sika?’

Habacuc 1:16

Igagalang da ni ingen iray iket da tan mangibabagat irad sikara, lapud saray iket da so panlalapwan na saray sankaabigan a nakaukolan dad bilay.

Jeremias 2:23

Panoy pangibagam ya ag mo dinotakay sikan dili, ya ag mon balut inggalang si Baal? Nengneng mo no panoy impankasalanan mo nen wala kad patar; nengneng mo no antoy ginawam. Singa ka kamilyod katakelan a manmamaya, kanyan mambabatik-batik,

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Malakias 2:17

Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Oseas 4:8

Minmayaman kayo lapud saray kasalanan da ray totook, kanyan labalabay yon ompalaloy kasalanan da.

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Probirbio 11:1

Kabosul na Katawan so masaol a simbangan, balet maliket ed dugan simbangan.

Jeremias 5:27

Singa sakey ya umaanop a papanoen toy kolungan to na saray manok, pinano da ray kaabungan da na saray asamsam. Sikato yay makasengeg a makapanyari tan mayaman ira,

Amos 8:5

Ibabaga yod sikayon dili, “Kapigan kasiy kasumpal na saray mablin agew, pian makalako kami lay trigo mi. Kapigan kasiy kasumpal na Agew na Panagpainawa, pian nayarian mi lay manlako lamet na trigo mi? Nasumpal la komun, pian makatubo kami lay dakel, nikana mi la ray masaol a sukatan, tan nilira mi ray simbangan pian napalikdo mi ray sumasaliw ed sikami.