Oseas 12:6 - Maung A Balita Biblia

⁶ Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Maung a Balita Biblia

⁶ Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Oseas 12:6 Referans Kwoze

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Zacarias 7:9

“Nen saman saya so salitak ed saray totook: ‘Nepeg yon gawaen so inkatonung, tan mankakasiyan tan manaarowan so sakey tan sakey ed sikayo.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Zacarias 8:16

Sarayay bengatlan gawaen yo: Salita yod balang sakey so katwaan. Diad saray korti ipakurang yo so petepeteg a katunongan—say katunongan a mangiter na kareenan.

Zacarias 1:3

balet natan kuankod sikayo, ‘Pawil kayod siak, et ompawil ak ed sikayo.

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Amos 5:24

Ingen, onagos komun a singa kolus so katonungan, tan say kaptekan et singa ilog komun ya ag balut naekatan.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Oseas 10:12

Inkuanko, ‘Mambaka kayo na balon dalin a para sikayo, mantanem kayoy katonungan, tan manani kayo na saray bindision a bunga na panangaro yod siak. Panaon la na ipawil yod siak a Katawan yo, et ondago ak a mangikalbod sikayo na saray bindision.’

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Jeremias 22:15

Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 31:6

Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Isaias 1:16

Orasan yoy sikayon dili. Tondaan yoy amin a kaogsan a nanenengneng kon gagawaen yo. On, tondaan yo lay panggagawa yoy kaogsan

Probirbio 21:3

Say panggawa na kaptekan tan katonungan et makapaliket ed Katawan nen say pangisaklang na saray bagat ed sikato.

Probirbio 1:23

Dengel kayo no pampasnukan ta kayo; itdan ta kayoy maung a simbawa tan inagnag kod sikayoy pakatalus ko.

Saray Salmo 123:2

No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Genesis 49:18

“Manalagar ak na panangilaban mo, Katawan.

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!