Oseas 11:6 - Maung A Balita Biblia

⁶ Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Maung a Balita Biblia

⁶ Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Oseas 11:6 Referans Kwoze

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Oseas 10:14

ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Oseas 10:6

Niakar ed Asiria imay talintao tan nirigalod matalonggaring ya arid man. Napelag ed kababaingan so Israel tan nabaingan, lapud simbawan inonur to.

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Mikias 5:11

Deralen ko ray siudad ed dalin yo tan igebak ya amin iray tirinsira yo.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Jeremias 5:17

Kanen da ray bungay tanaman yo tan saray tagano yo; pateyen da ray anak yon lalaki tan bibii. Kanen da ray karniro yo tan saray baka yo; deralen da ray kaubasan tan saray kaigosan yo. Deralen na saray sondalo ra iray panmamatalkan yon siudad ya aliber na padir.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Isaias 27:10

Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Isaias 18:5

Kasakbayan a naborbor iray bungay ubas, no naplag la ray rosas tan naluluto la ray bungay ubas, deralen na saray kalaban iray taga Sudan; mainomay da ran deralen, a singa kainomay na pamotut na yuro ed saray sanga na ubas.

Isaias 9:14

Diad sanagew dusaen na Katawan iray pangulo na Israel tan saray totoo to; potuten toy olo ra tan say ikul da.

Saray Salmo 106:43

Amimpiga-pigan inyagel na Katawan iray totoo to, balet nilabay day onsumpad sikato; kanyan lalon linmereg irad kasalanan.

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Deuteronomio 28:52

Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Jeremias 50:35

Say Katawan kuanto, “Patey ed Babilonia! Patey ed saray totoo to, saray manoley to tan diad saray makabat a totoo to.

Saray Tagleey 2:9

Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.